ІНФАРМАЦЫЙНЫ ДОПІС А. ПУСТАХОДА «СПОРТ ВА УНІВЕРСІТЭЦЕ»

30 кастрычніка 1956 г.

У першыя гады пасля Вялікай Айчыннай вайны кафедры фізкультуры і спорту ва універсітэце не было. Працавалі такія секцыі, як гімнастычная, стралковая і іншыя.

У студзені 1945 г. было створана спартыўнае таварыства «Навука».

У ліпені гэтага ж года адбылася першая рэспубліканская спартакіяда ВНУ, дзе наш універсітэт заняў першае агульнакаманднае месца.

А ў 1948 г. была арганізавана кафедра фізічнага выхавання і спорту, падабраны трэнерскі састаў, пабудавана спартыўная зала. Больш спрыяльнымі сталі ўмовы развіцця спорту, лепш стала працаваць.

Для папулярызацыі і развіцця спорту з 1952 г. рэгулярна праводзіцца круглагадзічная спартакіяда універсітэта па 12 відах спорту.

I калі ў першай круглагадзічнай спартакіядзе ўдзельнічала 1100 чал., то ў 1955—56 гг. іх было ўжо 2400.

3 1953 г. уведзены агляд-конкурс, які аказаў значнае ўздзеянне на спартыўна-арганізацыйную работу факультэтаў. Спартсмены БДУ дабіваюцца добрых паказчыкаў на гарадскіх і рэспубліканскіх спаборніцтвах.

На спартакіядзе ВНУ Беларусі ў 1955 г. наш спартыўны калектыў заваяваў другое места, а многія спартсмены сталі рэкардсменамі рэспублікі.

У гэтым годзе на Усесаюзнай спартакіядзе студэнтаў у Днепрапятроўску наш калектыў заваяваў 10-е месца. 16 спартсменаў БДУ заваявалі ганаровае права быць удзельнікамі Спартакіяды народаў СССР.

За апошнія гады спартыўны калектыў БДУ ўдзельнічаў болып як у 90 спаборніцтвах па розных відах спорту, дабіваўся ўсё большага спартыўнага майстэрства.

Цяпер нашы спартсмены займаюцца па 19 відах спорту.

Толькі за 1955 г. было падрыхтавана 358 спартсменаў-разраднікаў, з іх 2 майстры спорту.

Цяпер спартыўны калектыў універсітэта рыхтуецца да спартакіяды горада і рэспублікі.

А. Пустаход

Беларускі універсіт эт . 1956. 30 кастр.

FaLang translation system by Faboba